ايه اللي بيحصل لموبايلك بعد فترة من الاستخدام؟
كل اللي هذكره دي حاجات بتحصل في كل الأجهزة وبتختلف حسب كثافة استخدام الشخص وطريقة تعامله مع جهازه وجودة تصنيع الهاتف.
١- أداء البطارية بيقل بالتدريج من أول يوم تستعمل فيه الموبايل فكل شحنه
للجهاز بتقعد أقل من اللي قبلها بشكل غير ملحوظ ولكن مع الوقت بيظهر الفرق
لحد ما البطارية تتلف بالكامل.
٢- الخدوش الصغيرة " micro scratches
" دي خدوش بتظهر مع انعكاس الإضاءة على سطح الجهاز وده كده كدا هتحصل حتى
لو مهتم بجهازك لأقصى حد لأنها بتكون بسبب احتكاك ذرات الغبار بالجهاز.
٣- انخفاض صوت الجهاز سواء سماعة المكالمات أو ال speaker وده بسبب تراكم الغبار في مجرى السماعات من الداخل.
٤- إنخفاض الأداء، وده مش بيكون سببه انخفاض أداء المكونات الداخليه ولكن
سببه التحديثات المستمرة على النظام والتطبيقات وده بيخليها تحتاج موارد
أكتر كل تحديث وده هتحسه بانخفاض في الأداء مع الزمن.
٥- احتمالية
تلف الأزرار ومنافذ الشحن والصوت، لأنهم بيكونو مصنعين لتحمل عدد مرات معين
من الاستخدام والمفروض انها بتدوم لسنوات ولكن مع كثافه الاستخدام فهيا
بتبوظ بشكل أسرع وخصوصاً لو جودتهم منخفضه.
٦- لو شاشة جهازك من نوع
AMOLED فتوقع انخفاض أداءها وظهور بعض المشاكل زي ال screen burning مع
الزمن ولكن كل ما كان الجهاز حديث ومن فئات أعلى فالمشاكل ممكن تكون أقل.
إرسال تعليق